അടച്ചിടലിൽ നഷ്‌ടമായ എൻറെ ദിനങ്ങൾ

കൊറോണക്കാലത്തെ ലോക്ക്ഡൗൺ കാരണം എനിക്ക് നഷ്ടമായത് എത്രയോ നല്ല നല്ല നിമിഷങ്ങളാണ്. ലോക്ക്ഡൗണിന്റെ ആദ്യദിനങ്ങൾ കുഴപ്പമൊന്നുമില്ലാതെയായിരുന്നു കടന്നുപോയത്. പിന്നീട് പത്രത്തിൽ കൊറോണ രോഗബാധിതരുടെ എണ്ണം കൂടുമ്പോൾ മനസ്സിൽ ഒരു പേടി വന്നു.

ഇടയ്ക്കിടെ ഞാനോർക്കും ആ സ്‌കൂളിനെയും എന്റെ അധ്യാപകരെയും കൂട്ടുകാരെയും ഒക്കെ. ഞാൻ കളിച്ചു നടന്ന ആ ദിവസങ്ങനെ പറ്റി എന്ത് രസമായിരുന്നു അന്നൊക്കെ. ഇപ്പോൾ കൂട്ടുകാർ ഫോണിൽ; പഠനം ഫോണിൽ. അങ്ങനെ എല്ലാം ഫോണിൽ ഒതുങ്ങി. ഇനി എന്ന് വരും ആ പഴയ ദിനങ്ങൾ എന്ന് ഞാൻ ചിന്തിക്കാറുണ്ട്. ഇനി പുറത്ത് പോകണമെങ്കിൽ തന്നെ മുഖത്ത് മാസ്ക് വെച്ചും സാനിറ്റൈസർ കയ്യിൽ കരുതിയും സാമൂഹിക അകലം പാലിച്ചും വേണം പോകാൻ.

എന്ത് തന്നെ സംഭവിച്ചാലും, നിപ്പായും പ്രളയവുമൊക്കെ അതിജീവിച്ചത് പോലെ നമ്മളിതും അതിജീവിക്കണം…
അതിജീവിക്കും…!