Follow Us

മൃത്യുചഷകം

മൃത്യുചഷകം

മദ്യമെന്ന രണ്ടക്ഷരം മതിയിന്നു
മനുഷ്യൻ്റെ ജീവിതം സഫലമാക്കാൻ
മദ്യത്തിൽ മുങ്ങിയും നീന്തിയും
ആനന്ദ ജീവിതം തേടുന്നവർ

മദ്യത്തിൻ ലഹരിക്കു മുന്നിലവർക്കിന്നു
ജീവിത ദുരിതങ്ങൾ ഒന്നുമല്ല
ശമ്പളം കിട്ടിയാൽ ബാറിലേക്കോടുന്നു
മദ്യത്തിൻ ലോകത്തിൽ നീരാടുവാൻ

സ്വന്തം കുടുംബത്തെ കണ്ണീരിലാഴ്ത്തിയും
ധർമ്മപത്നിതൻ വാക്കുകൾ ഭേദിച്ച്
ലഹരിതൻ വഴിയേ പോകുന്നവർ
നാശത്തിൻ വഴിയേ പോകുന്നവർ

മദ്യം വിഷമാണ് ഘോരവിഷം
നിന്നെ രോഗിയായ് മറ്റും ഘോരവിഷം
മദ്യം മനുഷ്യൻ്റെ ബന്ധുക്കളെപ്പോലും
ശത്രുവായ്‌ മാറ്റാൻ കഴിവുള്ളത്

ഓർക്കുക മനുഷ്യാ നീ ഇന്ന്
സുഖിക്കിലും നാളെ ദുഖിക്കുമെന്നു തീർച്ച
മദ്യത്തിനടിമയാം ഒരു മർത്യനുമിന്ന്
ജീവിതത്തിൻ കടൽ താണ്ടിയിട്ടില്ല

ഒടുവിലായതിൻ കറുത്ത കരങ്ങൾ തവ
പുണരുമ്പോൾ നീയതു തിരിച്ചറിയും;
മുന്നിലിനി മരണം, മരണം മാത്രം
നിന്നാശ്രയമാകുമെന്നോർത്തുകൊൾക!

Leave a Reply

Your email address will not be published.